बागमती गाउँपालिकामा आज स्वाब सङकलन गरिँदै ।

हेटौंडाः मकवानपुरको बागमती गाउँपालिकाले कोरोना सङ्क्रमितहरुको सम्पर्कमा आएकाहरुको पहिचान (कन्ट्याक्ट ट्रेसिङ) गरी कोरोना परीक्षणका लागि ३९ जनाको स्वाब सङ्कलन गरेको छ । बागमती गाउँपालिकाको विभिन्न वडामा कोरोना सङ्क्रमितहरुको सम्पर्कमा आएका २ जना महिला र ३७ जना पुरुष गरी ३९ जनाको स्वाब सङ्कलन गरी आज हेटौंडा पठाइएको बागमती गाउँपालिका स्वास्थ्य प्रमुख दिनेश गुप्ताले जानकारी गराउनु भयो ।

बागमती गाउँपालिकामा हालसम्म २ जना कोरोना सङ्क्रमित भएका छन् । सङ्क्रमित दुबैजना कोरोनामुक्त भइसकेको स्वास्थ्य प्रमुख गुप्ताले जानकारी दिनुभयो । बागमती गाउँपालिका अहिले कोरोना सङ्क्रमित शून्य पालिका बनेको छ । त्यसैगरी बागमती गाउँपालिकाको वडा नम्बर ८ स्थित जनता माध्यमिक विद्यालयको क्यारेन्टिनमा १ जना र १ जना होम क्वारेन्टिनमा रहेको बागमती गाउँपालिकाका स्वास्थ्य प्रमुख दिनेश गुप्ताले जानकारी गराउनु भयो ।