हेटौंडाः भोली शुक्रबार हेटौंडामा रक्तदान कार्यक्रमको आयोजना गरिने भएको छ । मुस्लिम युवा समाज मकवानपुरको आयोजनामा भोली बिहान रक्तसञ्चार केन्द्र, हेटौंडा शाखामै रक्तदान कार्यक्रम हुने भएको हो । मकवानपुरमा रगत अभाव हुन थालेपछि यसअघि भएका २ वटा रक्तदान कार्यक्रममा ८४ जनाले रक्तदान गरिसकेका छन् ।
मुस्लिम युवा समाज मकवानपुरले भोली हुने रक्तदान कार्यक्रममा रक्तदान गर्ने दाताहरुको नामावली पनि सार्वजनिक गरेको छ । अहिलेसम्म समाजका र अन्य नागरिकहरु सहित ५४ जना रक्तादन गर्नेहरुको नामावली सार्वजनिक भएको छ ।
