हेटौंडाः लागु औषध ट्रामाडोलसहित हेटौंडा–१३ का सोनम मोक्तान पक्राउ परेका छन् । बिहिबार बिहान मोक्तान हेटौंडा–१ स्थित तरकारी बजारबाट पक्राउ परेको मकवानपुर जिल्ला प्रहरी कार्यालयले जनाएको छ ।
बिहिबार बिहान ११ बजेर ३० मिनेटको समयमा राप्तिरोडबाट थानाभर्याङतर्फ अटो लिएर जाँदै गरेका मोक्तान प्रहरी टोलीलाई देख्दा भागेका थिए । प्रहरीले पिछा गरेका उनि बा प्र ०३–०० १ ह ०१२६ नम्बरको अटोसहित पक्राउ परेका हुन् । अटोभित्र लुकाई छिपाई राखिएको अवस्थामा १५ हजार ९ सय ६० वटा ट्रमाडोल क्याप्सुल बरामद भएको हो । उनलाई नियन्त्रणमा लिई लागुऔषध सम्बन्धी थप अनुसन्धान तथा करवाही भइरेको प्रहरी जनाएको छ ।
