हेटौँडाः हेटौँडा–१, स्वर्गलोकमा वेवारिसे बस्ने महिला मृत अवस्थामा फेला परेकी छन् । मृत फेला पर्नेमा मनहरी गाउँपालिका–३, हाडीखोला घर भई हाल हेटौडाको बजार एरियामा कवाडीको काम गर्ने ३७ वर्षीया सीता ब्लोन रहेको जिल्ला प्रहरी कार्यालय मकवानपुरले जानकारी दिएको छ ।
सोमबार दिउँसो १२ बजेको समयमा ब्लोन स्वर्गलोक स्थितमा लिलामणी पौडेलको घरको अगाडीको बरण्डा मृत अवस्थामा फेला परेकी थिइन् । मृतक महिलाका श्रीमान पनी संगै रहेको र घटनाबारे अनुसन्धान भईरहेको प्रहरीले जानकारी दिएको छ ।
