हेटौँडा ः लागूऔषध गाँजासहित मकवानपुर प्रहरीले शुक्रबार २ जनालाई पक्राउ गरेको छ । शुक्रबार बिहान ६ बजेर २५ मिनेटको समयमा हेटौँडा–१५, रातोमाटे चेकपोष्टबाट १० किलो ८२० ग्राम लागूऔषध गाँजासहित हेटौँडा–३, का ४६ वर्षीय कुमार सिं थिङ र ३४ वर्षीय धनबहादुर भोलनलाई पक्राउ गरिएको जिल्ला प्रहरी कार्यालय मकवानपुरले जनाएको छ ।
हेटौँडाबाट पथलैयातर्फ जाँदै गरेको बा प्र ०३–००१ ज ३०३ नम्बरको यात्रुवाहक भ्यानमा सवार कुमार र धनबहादुरलाई प्रहरीले लागूऔषध गाँजासहित पक्राउ गरेको हो । मकवानपुर जिल्ला अदालतबाट ७ दिनको म्याद लिई हिरासतमै राखेर अनुसन्धान गरिरहेको जनाएको छ । यसअघि मकवानपुर प्रहरीले बिहीबार बिहान ६ बजे २ जनालाई हेटौँडा–४ बाट १० किलो २७० ग्राम लागूऔषध गाँजासहित पक्राउ गरेको थियो ।
