हेटौँडा ः बागमती प्रदेश प्राविधिक तथा व्यावसायिक शिक्षा एवम् तालिम परिषद् (सिटीइभिटी) को प्रमुख कार्यकारी निर्देशक शान्ति लामाले पद तथा गोपनीयताको सपथ ग्रहण गर्नुभएको छ । बुधबार प्रदेशकी सामाजिक विकास मन्त्री हरिप्रभा खड्गीले निर्देशक लामालाई पद तथा गोपनीयताको सपथ ग्रहण गराउनुभएको हो ।
पुस ११ गते बसेको मन्त्रिपरिषद् बैठकले लामालाई प्राविधिक तथा व्यावसायिक शिक्षा एवम् तालिम परिषद्को प्रमुख कार्यकारी निर्देशक नियुक्त गर्ने निर्णय गरेको थियो । उक्त निर्णय अनुसार नियुक्त हुनुभएकी नुवाकोट जिल्लाको म्यागङ गाउँपालिका–४ की लामालाई बुधबार सपथ ग्रहण गराइएको हो । लामा नेपाली कांग्रेस नुवाकोटको महाधिवेशन समिति सदस्य हुनुहुन्छ भने २०७४ को स्थानीय तह निर्वाचनमा म्यागङ गाउँपालिकाको उपाध्यक्ष पदमा निर्वाचित भएको थियो ।
