हेटौँडाः मकवानपुरको मनहरी गाउँपालिका–६, लोथर खोलामा गैंडाको आक्रमणबाट एक जना महिला घाइते भएकी छिन् । बुधबार बिहान ८ बजेर ३० मिनेटको समयमा लोथर खोला नजिक रहेको लामेदमार मध्यवर्ती सामुदायिक वनमा गैडाले आक्रमण गर्दा चितवनको राप्ती नगरपालिका–१ दुबिचौरकी ७० वर्षीया दिलमाया स्याङ्तान घाइते भएको जिल्ला प्रहरी कार्यालय मकवानपुरले जानकारी दिएको छ ।
स्याङ्तान वनमा घास काटन गएको बुझिएको प्रहरीको भनाई छ । घाइते महिलालाई उपचारका लागि चितवन पठाइएको छ । स्थानीयले हो–हल्ला गरे पश्चात गैंडा जंगलतर्फ गएको प्रहरीले जानाएको छ ।
