हेटौंडाः नवसर्जक साहित्य चौतारी नेपालले संस्थाको चौथो वार्षिकोत्सव मनाएको छ । गत बिहीबार जुम एपमार्फत् रचना वाचन तथा शुभकामना आदानप्रदान कार्यक्रम आयोजना गर्दै वार्षिकोत्सव मनाएको हो ।
नवसर्जक साहित्य चौतारी नेपालकी अध्यक्ष प्रशन्ना चौलागाईँको अध्यक्षता तथा प्राडा देवी नेपालको प्रमुख आतिथ्यमा कार्यक्रम भएको हो । कार्यक्रममा नवनिर्वाचित ७ प्रदेशका अध्यक्षहरुले रचना वाचन गर्नुभएको थियो ।
कार्यक्रममा कोशी प्रदेशका अध्यक्ष रोशन गड्तौला, मधेश प्रदेशका अध्यक्ष अविजित राम, बागमती प्रदेशकी अध्यक्ष रोश्नी चौलागाईँ, गण्डकी प्रदेशकी अध्यक्ष सुरक्षा गौतम, लुम्बिनी प्रदेशकी अध्यक्ष जोशिका कँडेल, कर्णाली प्रदेशका अध्यक्ष प्रकाश बराल र सुदूरपश्चिम प्रदेशका अध्यक्ष सन्दिप समर्पणले रचना वाचन गर्नुभएको हो । सोही अवसरमा नवसर्जक साहित्य चौतारीका महासचिव समर्पण न्यौपानेले संस्थाको ४ वर्षे यात्राको प्रगति विवरण प्रस्तुत गर्नुभएका थियो । कार्यक्रममा साहित्यकार प्रमोद प्रधान, प्राडा धु्रवकुमार घिमिरेलगायतको आतिथ्य रहेको थियो ।
