हेटौँडाः सिन्धुली जिल्लाको दुधौली नगरपालिका–१३, मनवामा सुति रहेको अवस्थामा एक जना महिला मृत फेला परेकी छन् । मृत फेला पर्नेमा ५५ वर्षीया दिलकुमारी परियार रहेको बागमती प्रदेश प्रहरी कार्यालय हेटौँडाले जानकारी दिएको छ ।
सोमबार साँझ ५ बजेको समयमा परियार आफ्नै घरबाट पश्चिममा रहेको रानिटार पसलमा मासु किन्न गई र्फकने क्रममा बेलुका ७ बजेको समयमा बाटोदेखी ५ फिट तल खसेकी थिईन् । परियारलाई उद्वार गरि स्थानिय प्रेम बहादुर श्रेष्ठको घर बाहिर पालीमा पराल ओछ्याई सुताएकोमा मंगलबार बिहान ३ बजेको समयमा मृत अवस्थामा रहेको प्रहरीले जानकारी दिएको छ । अनुसन्धानको क्रममा परीयारले मादक पदार्थ सेवन गरेको पाइएको छ ।
