हेटौँडा ः हेटौँडा–१९, बस्तीपुरस्थित निर्मल माध्यमिक विद्यालयमा सोमबार रक्तदान कार्यक्रम भएको छ । निर्मल माध्यमिक विद्यालयको जुनियर रेडक्रस सर्कलले आयोजना गरेको कार्यक्रममा २४ जनाले रक्तदान गरेका छन् ।
निर्मल माध्यमिक विद्यालयको ४९औं वार्षिकोत्सवको अवसरमा रक्तदान कार्यक्रम भएको हो । विद्यालयमा हरेक वर्ष वार्षिकोत्सवको अवसरमा रक्तदान कार्यक्रमको आयोजना गर्ने गरिएको छ । भोलि मंगलबार थाहा नगरपालिकाको पालुङ बहुउद्देश्यीय सहकारी संस्था लिमिटेडले रक्तदान कार्यक्रम आयोजना गर्दैछ । यस्तै आउँदो बिहीबार हेटौँडा–७, नागस्वतीस्थित हेटौँडा बचत तथा ऋण सहकारी संस्था लिमिटेडले पनि रक्तदान कार्यक्रमको आयोजना गर्दैछ । पछिल्लो समय रगतको माग र वितरण सहज रहेको रक्तसञ्चार केन्द्र हेटौँडाले जानकारी दिएको छ ।
