हेटौँडाः चितवन जिल्लाको भरतपुर महानगरपालिका–१०, रिजालचोकमा योद्धा गाडिको ठक्करबाट घाइते साइकल चालकको उपचारको क्रममा मृत्यु भएको छ । गत सोमबार दिउँसो २ बजेर २५ मिनेटको समयमा चौबिसकोठीबाट गोन्द्राङतर्फ जाँदै गरेको ना ४ च ९०६० नम्बरको योद्धा गाडिको ठक्करबाट घाइते भएका साइकल चालक ६७ वर्षीय रामचन्द्र बर्तौलाको उपचारको क्रममा मृत्यु भएको बागमती प्रदेश प्रहरी कार्यालय हेटौँडाले जानकारी दिएको छ ।
गाडिको ठक्करबाट गम्भिर घाइते बर्तौलालाई उपचारका लागि नयाँ मेडिकल कलेज भरतपुर लगिएकोमा सामान्य उपचार पश्चात थप उपचारका लागि मंगलबार दिउँसो १ बजेर १० मिनेटको समयमा काठमाडौंको बाँसबारीस्थित न्युरो अस्पताल लगिएको थियो । बर्तौलाको शुक्रबार दिउँसो १ बजेर २६ मिनेटको समयमा उपचारको क्रममा मृत्यु भएको प्रहरीले जनाकारी दिएको छ । गाडि चालकलाई प्रहरीले नियन्त्रणमा लिएको छ ।
