हेटौँडाः दोलखा जिल्लाको भिमेश्वर नगरपालिका–६, महादेवखोलामा हाइलक्स गाडीले ठक्कर दिँदा पैदलयात्रीको मृत्यु भएको छ । शुक्रबार बिहान ११ बजेर ५५ मिनेटको समयमा सिन्धुपाल्चोकबाट दोलखातर्फ जाँदै गरेको प्रदेश नं. ३ ०१–०२४ च २६०४ नम्बरको हाइलक्स गाडीले ठक्कर दिँदा पैदलयात्रीको मृत्यु भएको बागमती प्रदेश प्रहरी कार्यालय हेटौँडाले जानकारी दिएको छ ।
ठक्करबाट भिमेश्वर चोथाङ बस्ने ५४ वर्षीय ज्ञान बहादुर तामाङ गम्भिर घाइते भएका थिए । घाइते तामाङको च्छो–रोल्पा जनरल अस्पताल चरिकोटमा सामान्य उपचारका पश्चात थप उपचारका लागि पशुपति चौलागाई स्मृति अस्पताल लगिएको थियो । घाइते तामाङलाई दिउँसो २ बजेर २० मिनेटको समयमा डाक्टरले मृत घोषणा गरेको प्रहरीले जानकारी दिएको छ । चालक सिन्धुपाल्चोकको लिसंखुपाखर गाउँपालिका–७, ठुलोपाखर ५३ वर्षीय जेठा तामाङ र हाइलक्स गाडी जिल्ला प्रहरी कार्यालयको नियन्त्रणमा रहेको छ ।
