हेटौँडाः चितवन जिल्लाको रत्ननगर नगरपालिका–२, सिनेमारोडमा एक भारतीय नागरिकको मृत्यु भएको छ । मृत्यु हुनेमा भारत बेतिया बनकट–७ घर भई हाल सिनेमारोड बस्ने ७० वर्षीय रामनाथ गिरी रहेको बागमती प्रदेश प्रहरी कार्यालय हेटौँडाले जानकारी दिएको छ ।
गिरी बिहीबार बेलुका खानखाई सुतेकोमा शुक्रबार बिहान ८ बजेर २० मिनेटको समयमा मृत फेला परेका थिए । अनुसन्धानको क्रममा गिरीले मादक पदार्थ सेवन गरेको पाइएको छ । मुचुल्का पश्चात शव भरतपुर सरकारी अस्पतालमा लगिएको छ ।
