हेटौंडा । गएराती मनहरी गाउँपालिका – ६ प्रतापपुरका एक पुरुषको आफ्नै साथीको कुटपिटबाट मृत्यु भएको छ । प्रतापुर लच्का बस्ने ३४ वर्षिय अम्मर बहादुर लोप्चनले गएराती साढे १ बजे आफ्नै घरमा सुतेको अवस्थामा सोही ठाउँको ५० वर्षिय साथी जित बहादुर मोक्तानलाई सावेलले प्रहार गरि घाइते बनाएको र भरतपुर अस्पतालमा उपचारको क्रममा मोक्तानको मृत्यु भएको प्रहरीले जनाएको छ ।
प्रहरीका अनुसार दुबै जना संगै मजदुरी काम गरी हिड्ने गरेको र प्राय जसो दुबै जना लोप्चनको घरमा सुत्ने गरेका थिए । कुटपिट गर्ने लोप्चनलाई सावेल सहित नियन्त्रणमा लिईएको प्रहरीले जनाएको छ ।
