हेटौंडा । हेटौंडा –५ भैरवरोडमा रहेको नेपाल विद्युत प्राधिकरण केन्द्रिय वर्कशपमा बुधबार बेलुका आगलागी भएको छ । जिल्ला प्रहरी कार्यालय मकवानपुरका अनुसार बुधबार बेलुका अन्दाजी ८ बजे पुरानो सामान राखेको स्थानमा अचानक आगलागि भएको थियो ।
नेपाल प्रहरी, हेटौडा उपमहानगरपालिकाको नगर प्रहरी, विद्युत प्राधिकरणका कर्मचारी र हेटौडा उपमहानगरपालिकाको २ वटा दमकलको सहयोगमा बेलुका ९ बजे आगो पुर्ण नियन्त्रणमा लिइएको प्रहरीले जनाएको छ । प्रहरीका अनुसार क्षतीको विवरण एकिन भएको छैन ।
