हेटौंडाः हेटौंडा–२, वासुदेवमार्गस्थित बालजागृति इंग्लिस सेकेण्डरी स्कुलको वार्षिक खेलकुद महोत्सव बुधबारदेखि सुरु भएको छ । शुक्रबार समापन हुने खेलकुद महोत्सवको पहिलो दिन बुधबार कक्षा–१, २ र ३ कक्षाका विद्यार्थीबीच खेल भएको छ । टिटिबल दौडमा कक्षा–१ का सक्षम परियार, रविना थोकर, श्रीमान् हुमागाई, श्रीयास घिमिरे, मनिका खतिवडा उत्कृष्ट भएका छन् ।
यस्तै हुलाहुप दौडमा उपासना वाईबा, जनन बस्नेत, अड्रिया थिङ, अनुश्री श्रेष्ठ, अरान्या पुडासैनी उत्कृष्ट भएका छन् । किताब पज्जल दौैडमा कक्षा–२ की मनिषा जैसवाल, शिशिर थापा, डेबिड रानामगर, राशी कँडेल, अतित ढुंगाना उत्कृष्ट भएका छन् । बोरा दौडमा मियोँक ब्लोन, प्रज्ञान खतिवडा, डेबिड रानामगर, हर्षित थापा उत्कृष्ट भएका छन् । ५० मिटर दौडमा कक्षा–३ का छात्रतर्फ नितेश कुमार गुप्ता, सुप्रिन्स घलान, निश्चल अधिकारी, श्रीगणेश घिमिरे, रोहन खड्की उत्कृष्ट भएका छन् । छात्रातर्फ मनसा मानन्धर, आशिका बछ्छर, पुनम बस्ताकोटी, दीक्षा चौधरी, प्रिज्मा केसी उत्कृष्ट भएकी छिन् ।
कोना रिले दौडमा प्रिज्मा केसी, रिदम तिमिल्सिना, अराध्या खतिवडा, श्रीगणेश घिमिरे उत्कृष्ट भएका छन् । यस्तै दोस्रो र तेस्रो दिन छात्रछात्रातर्फ सय मिटर दौड, २ सय मिटर दौड, ४ सय मिटर दौड, ४ गुणा १०० रिले दौड, सट्फुट् हुनेछ । सोही दिन कक्षा ४ र ५ का छात्रछात्राबीच सय मिटर दौड, २ सय मिटर दौड, स्किपिङ दौड, निडल दौड हुनेछ । कक्षा–६ र ७ का छात्रछात्राबीच सय मिटर दौड, २ सय मिटर दौड, सट्पुट्, गणित दौड हुनेछ ।
