हेटौँडाः मकवानपुर प्रहरीले लागुऔषधसहित ६ जनालाई हेटौँडाका विभिन्न स्थानबाट पक्राउ गरेको छ । यस्तै ज्यान मार्ने उद्योगसम्बन्धी मुद्दामा २ जनालाई पक्राउ गरेको छ । आठै जनालाई प्रहरीले शनिबार साँझ पक्राउ गरेको हो ।
औषधिजन्य लागुऔषधसहित २ जनालाई प्रहरीले हेटौँडा–१५, रातोमाटेस्थित प्रहरी चेकपोष्टबाट पक्राउ गरेको छ भने हेटौँडा–१, चौकीटोलबाट २ जना र हेटौँडा–११ थानाभर्याङबाट २ जनालाई लागुऔषध खैरो हेरोइनसहित पक्राउ गरेको जिल्ला स्रोतले जनाएको छ । केहीबेरमा घटनाको विस्तृत विवरण सञ्चारकर्मीलाई सार्वजनिक गर्ने बताइएको छ । यस्तै हेटौँडा–११, थानाभर्याङबाट प्रहरीले २ जनालाई ज्यान मार्ने उद्योगसम्बन्धी मुद्दामा पक्राउ गरेको जनाएको छ ।
