हेटौँडाः प्रदेश टिम छनोटका लागि हुने खेलमा सहभागी हुन मकवानपुर जिल्लाको यु–१९ क्रिकेट टिम घोषणा गरिएको छ । मकवानपुर जिल्ला क्रिकेट संघले आइतबार साँझ गोकुल अधिकारीको कप्तानीमा १४ सदस्यीय टिम घोषणा गरिएको छ । मकवानपुर जिल्ला क्रिकेट संघले उपकप्तानमा एमडी अहमद राजालाई चयन गरेको छ ।
मकवानपुरको विकेट किपरमा साहेव यादव रहेका छन् । यसअघि यु–१६ क्रिकेट टिमका खेलाडी समावेश गरिएको मकवानपुरको टिममा गौरव श्रेष्ठ, कृष्णकुमार यादव, रोहित ठाकुर, प्राञ्जल उपाध्याय, शिवशक्ति महतो, आशिक अधिकारी, आदित्य पटेल, सिर्जन अधिकारी, रौशन कुमार राय, अरविन प्रसाद यादव र कुशल दुलाल समावेश छन् । मकवानपुरको प्रशिक्षकमा पूर्वराष्ट्रिय खेलाडी राम नरेश गिरी रहनुभएको छ । प्रादेशिक छनोट खेल यही असोज ३० गतेदेखि कात्तिक ४ गतेसम्म हुँदैछ । केही खेल हेटौँडाको हुप्रचौरमा हुनेछ भने केही खेल काठमाडौंमा हुनेछ ।
