हेटौँडाः मकवानपुरको ईन्द्रसरोवर गाउँपालिकाले राहत सामग्री प्राप्त गरेको छ । असोज ११ र १२ गतेको भारी वर्षासँगै आएको बाढीपहिरोले जनधनको क्षतिलाई मध्य नजर गर्दै गाउँपालिका भित्रका ६० घरपरिवारलाई आवश्यक खाद्यान्न लगायत सामग्री वितरण गरिएको हो ।
सोमबार पालिकालाई लिसा हिमालयन इभि र हेटौँडा–११ स्थित दिगो विकासका लागि एकता नेपालले राहत सामग्री हस्तान्तरण गरेको हो । पालिकालाई दाल, चामल, नुन, मसला, गुन्द्री, ब्ल्याङ्केट, सेनिटरी प्याड, साबुन, मन्जन लगायतका सामग्री गाउँपालिका अध्यक्ष देवकृष्ण पुडासैनीको उपस्थितिमा वितरण गरेको थियो ।
