हेटौँडाः मकवानपुर प्रहरीले लागुऔषध गाँजासहित २ जनालाई पक्राउ गरेको छ । पेट्रोलियम पदार्थ ढुवानी गर्ने ट्यांकरमा ३९२ किलो लागूऔषध गाँजा तस्करी भइरहेको भन्ने सूचनाका आधारमा प्रहरीले मंगलबार बिहान ३ बजेर १५ मिनेटको समयमा हेटौँडा–१५ रातोमाटेबाट उनीहरुलाई पक्राउ गरेको हो ।
पालुङबाट बीरगंजतर्फ जाँदै गरेको ना ७ ख १७७१ को ट्याङकरलाई रोकेर सुरक्षाजाँच गर्ने क्रममा मनहरी गाउँपालिका–९ ज्यामिरे बस्ने ट्याङकर चालक २६ वर्षीय रोशन पुरी र सहचालक २२ वर्षीय धन बहादुर मल्ल पक्राउ गरिएको प्रहरीले जनाएको छ । प्रहरीले ट्याङकरको पाँचवटा डिब्बाहरु मध्ये ३ नम्बरको डिब्बाभित्र २५ वटा पोकामा लुकाई छिपाई राखेको अवस्थामा गाँजा बरामद गरेको थियो । लागूऔषध र ट्याङकरसहित पुरी र मल्ललाई नियन्त्रणमा लिई थप अनुसन्धान गरिरहेको प्रहरीले जनाएको छ ।
