हेटौंडाः काभ्रेमा पहिरोमा परी बेपत्ता भएका थप दुई जनाको शव फेला परेको छ । गत शनिबार आएको पहिरोमा परी बेपत्ता थप दुई जनाको शव बुधबार भेटिएको बागमती प्रदेश प्रहरी कार्यालय हेटौंडाले जनाएको छ ।
बुधबार दिउँसो १२ बजेर ५० मिनेटको समयमा नमोबुद्ध नगरपालिका–५ स्थित बोहोरेमा पहिरोमा परी बेपत्ता एक वृद्धको शव फेला परेको छ । शनिबार दिउँसो ३ बजे आएको पहिरोमा परी बेपत्ता भएका ७२ वर्षीय गंगा बहादुर धितालको शव फेला परेको हो । धितालसँगै पहिरोमा परेकी श्रीमती ४० वर्षीय कालिका विकको भने सोमबार नै शव फेला परेको थियो ।
यस्तै तेमाल गाउँपालिका–२ स्थित दरियाल पाखामा पहिरो परी बेपत्ता एक पुरुषको शव फेला परेको छ । गएको शनिबार घरमाथिबाट खसेको पहिरोमा परी बेपत्ता भएका ३२ को मन्जित तामाङलाई खोजतलास गर्दा बुधबार मृत अवस्थामा भेटिएको हो । तामाङको शव आफन्तलाई बुझाएको प्रहरीले जनाएको छ । घर पुर्दा अन्य ८ जना अझै बेपत्ता रहेको र खोजी कार्य भइरहेको प्रहरीेले जनाएको छ ।
