हेटौंडाः मकवानपुरको बकैया गाउँपालिका–१०, मन्थलीस्थित बागमती खोलामा तीन वटा शव फेला परेको छ । मंगलबार बिहान ८ बजेर ३० बजेको समयमा एक महिला र दुई पुरुषको शव फेला परेको बागमती प्रदेश प्रहरी कार्यालय हेटौँडाले जनाएको छ ।
शवको सनाखत हुन बाँकी रहेको प्रहरीले जनाएको छ । मंगलबार जनप्रतिनिधिले शव देखेपछि प्रहरीलाई जानकारी गराएको थियो । घटनास्थल प्रहरी चौकी आस्राङ ललितपुरबाट नजिक पर्ने भएकोले मकवानपुर प्रहरीले ललितपुर प्रहरीसँग समन्वय गरेको बताइएको थियो ।
