हेटौँडाः नुवाकोट जिल्लाको नुवाकोट शिवपुरी गाउँपालिका–६, गुर्जेभञ्ज्याङमा मोटरसाइकल अनियन्त्रित भई दुर्घटना हुँदा चालकको मृत्यु भएको छ । मृत्यु हुनेमा बिदुर नगरपालिका–१ का २५ वर्षीय प्रवेश अर्याल रहेको बागमती प्रदेश प्रहरीले जानकारी दिएको छ ।
सोमबार दिउँसो १ बजेर ४५ मिनेटको समयमा टोखा छहरे सडकखण्डमा त्रिशुलीबाट काठमाडौंतर्फ जाँदै गरेको बा प्र ०२–००१ ब ५२६९ नम्बरको कृषि विकास कार्यालय नुवाकोटको मोटरसाइकल अनियन्त्रित भई दुर्घटना हुँदा अर्याल घाइते भएका थिए । घाइते अर्याललाई उपचारका लागि ग्रिनसिटि अस्पताल काठमाडौं लगिएकोमा उपचारको क्रममा सोमबार बेलुका १० बजेर ४५ मिनेटको समयमा मृत्यु भएको प्रहरीले जनाएको छ ।
