हेटौँडाः नेपाल मानव धर्म सेवा समिति हेटौँडाद्वारा आयोजित रक्तदान कार्याक्रममा ४० जनाले रक्तदान गरेका छन् । शनिबार विश्व शान्ति दिवस तथा परमपुज्य सद्गुरुदेव श्री सतपातल महाराजको पुनित अवसरमा आयोजित कार्यक्रममा ४० जनाले रक्तदान गरेको रक्तसञ्चार केन्द्रका प्राविधिक सहायक किशोर सापकोटाले जानकारी दिनुभयो ।
रक्तदान कार्यक्रममा ६ जना महिला र ३४ जना पुरुषले रक्तदान गरेका थिए । समितिले प्रत्येक वर्ष रक्तदान कार्यक्रमको आयोजना गर्दै आएको छ । असोज ३ गते बागमती प्रदेश सरकारको आयोजनामा बुद्धचोकमा रक्तदान कार्यक्रमको आयोजना हुँदैछ ।
