हेटौंडाः मकवानपुर प्रहरीले ५ किलो लागूऔषध अफिम फेला पारेको छ । मकवानपुर जिल्लामा पहिलो पटक ५ किलो अफिम फेला परेको हो । असार १७ गते बिहान नेवारपानी बाट खटिएको प्रहरीको टोलीले सवारी साधन सुरक्षा जाँच गर्ने क्रममा मनहरीबाट आएको ना.४३ प ५७८४ नम्बरको पल्सर २२० सिसिको मोटरसाइकल चालक र सवार व्यक्तिले प्रहरीको चेकिड्डलाई देखेर ५ किलो अफिम बोकेको ब्याग र मोटरसाइकल छाडेर भागेका थिए । सोहि ब्यागमा ५ किलो अफिम रहेको जिल्ला प्रहरी कार्यालय मकवानुरका प्रहरी उपरीक्षक सुशिल सिंह राठौरले जानकारी दिनुभयो ।
उहाँका अनुसार विज्ञानले अफिमनै भएको पुष्टि गरेपछि आज सार्वजनिक गरिएको जानकारी दिनुभयो । मोटरसाइकल चालक र मोटरसाइकलमा सवार व्यक्तिको खोजी कार्य भैरहेको उहाँले जानकारी दिनुभयो । यद्यपि मोटरसाइकल धनीको परिचय खुलिसकेको छ भने चालक र सवारी धनी एकै हुन् भन्ने चाहि अनुसन्धानकै क्रममा रहेको प्रहरी उपरीक्षक राठौंरले बताउनुभयो ।
