हेटौँडाः मकवानपुरका अग्रज साहित्यकार आरसी रिजाल ‘फित्कौली हास्यव्यङ्ग्य राष्ट्रिय सम्मान–२०८१’ बाट सम्मानित हुनु भएको छ । फित्कौली अनलाइन मिडियाले साहित्यकार रिजाललाई शनिबार काठमाडौैंमा एक कार्यक्रम बीच सम्मान गरेको हो । नगद २० हजार एक सय पाँच रुपैयाँ नगदसहित रिजाललाई सम्मान गरिएको हो ।
साहित्य संगम मकवानपुर तथा सिस्नुपानी नेपाल मकवानपुरका पूर्वअध्यक्ष रिजाल पछिल्लो समय बुढ्यौली साहित्यको प्रवद्र्धनमा व्यस्त हुनुहुन्छ । चार दशकदेखि हास्यव्यङ्ग्य लेखनमा क्रियाशील साहित्यकार रिजाल बुढ्यौली साहित्य समाज मकवानपुरका अध्यक्ष हुनुहुन्छ । फित्कौली अनलाइन मिडियाले हरेक वर्ष समर्पण गरिने विभिन्न सम्मान एवम् पुरस्कारहरू मकवानपुरका रिजालसहित पाँच जना सम्मानित हुनुभएको छ । रिजालसँगै सिन्धुलीका महेश थापा, गोरखाका सुभाषचन्द्र देवकोटा, सिन्धुपाल्चोकका देवीप्रसाद चापागाई र इलामका दीनानाथ पोख्रेललाई सम्मान गरिएको छ ।
फित्कौली डटकमका प्रधान सम्पादक नरनाथ लुइँटेलको सभाध्यक्षता र प्रा.डा गोविन्दराज भट्टराईको प्रमुख आतिथ्यमा पुरस्कार समर्पण समारोह भएको हो । कार्यक्रममा वर्षभर फित्कौलीमा प्रकाशित कार्टुनिस्ट राजेश मानन्धरका कार्टुनहरू मध्ये सयवटा उत्कृष्ट कार्टुनहरूको प्रदर्शनी समेत गरिएको थियो ।
