हेटौँडाः मकवानपुरका अग्रज साहित्यार आरसी रिजाल ‘फित्कौली हास्यव्यङ्ग्य राष्ट्रिय सम्मान– २०८१’ बाट सम्मानित हुनुहुने भएको छ । फित्कौली अनलाइन मिडियाले साहित्यकार रिजाललाई यही भदौ २२ गते शनिबार काठमाडौैंमा एक कार्यक्रम बीच सम्मान गर्ने भएको हो ।
चार दशकदेखि हास्यव्यङ्ग्य लेखनमा क्रियाशील साहित्यकार रिजाललाई नगद २० हजार १ सय १ रुपैयाँ राशीसहित उक्त पुरस्कार प्रदान गर्न लागेको जनाएको छ । साहित्यकार रिजाल बुढ्यौली साहित्य समाज मकवानपुरका अध्यक्ष हुनुहुन्छ भने साहित्य संगम मकवानपुर र सिस्नुपनी नेपाल मकवानपुरका पुर्वअध्यक्षसमेत हुनुहुन्छ ।
मिडियाले हरेक वर्ष भाद्र महिनामा समर्पण गरिने विभिन्न सम्मान एवम् पुरस्कारहरू २०८१ का लागि पाँच जना हास्यव्यङ्ग्यकर्मीहरूलाई समर्पण गर्ने निर्णय गरिएको जनाएको छ । रिजालसँगै सिन्धुलीका महेश थापा, गोरखाका सुभाषचन्द्र देवकोटा, सिन्धुपाल्चोकका देवीप्रसाद चापागाई र इलामका दीनानाथ पोख्रेललाई सम्मान गर्ने जनाएको छ ।
