हेटौंडाः मकवानपुर जिल्ला फुटबल संघको आयोजनामा जारी मकवानपुर जिल्ला लिग फुटबल प्रतियोगिताको खेल वर्षाको कारणले प्रभावित भएको छ । आइतबार हुने भनिएको दुबै खेल वर्षाको कारणले खेलाउन सम्भव नभएको कारणले प्रभावित भएको हो ।
प्रतियोगिताको खेलतालिका अनुसार हेटौंडा–११, स्थित सिमलटार मैदानमा पहिलो खेल पिप्ले युवा क्लब र रियल स्टार क्लब बीच र हेटौँडा–६, स्थित गौरीटार रंगशालामा हुने मल्टिभिजन र पदमपोखरी युथ क्लब बीचको पहिलो खेल वर्षाको कारणले स्थगित गरिएको जिल्ला फुटबल संघले जनाएको छ । सिमटार मैदानमा हुने न्यू कम्वाइन क्लब र ७ नम्बर क्लब बीचको खेल वर्षाका कारण प्रभावित नभए आजै खेलाइने छ भने हटिया एफसी नामटारबीचको प्रतिकूत मौसमलाई मध्यनजर गरेर खेलाइने छ । हिजो स्थगित भएको हेटौंडा भेट्रान्स सक्षम युवा क्लबको खेलपनि वर्षाको कारणले स्थगित गरिएको छ ।
