हेटौंडाः अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) बकैया गाउँपालिका कमिटीको अध्यक्ष भोजराज सञ्जेल चयन हुनुभएको छ । शनिबार बकैया–३, हात्तीसुँडेमा सम्पन्न पहिलो अधिवेशनबाट सञ्जेल अध्यक्षमा सर्वसम्मत चयन हुनुभएको हो ।
सञ्जेलको अध्यक्षतामा ३१ सदस्यीय पालिका कमिटी गठन भएको छ । नवनिर्वाचित कमिटीको कार्यकाल एक वर्षको हुनेछ । पालिकाभित्र हरेक शैक्षिक गतिविधिमा संगठनले काम गर्ने अध्यक्ष सञ्जेलले बताउनुभयो । अनेरास्ववियु बागमती प्रदेश कमिटीका अध्यक्ष लाल बहादुर बुढाथोकीको प्रमुख आतिथ्यमा भएको अधिवेशनमा नेकपा एमाले बागमती प्रदेश कमिटीका सदस्य कमल विष्ट, पद्मा पौडेल, पार्टी बकैया अध्यक्ष गोपाल दाहाल, संगठनका केन्द्रीय सदस्य एवम् मकवानपुर जिल्ला इन्चार्ज भुवन मैनाली, मकवानपुर अध्यक्ष अमृत बर्तौला, उपाध्यक्ष नवराज शर्मा र सचिव रामचन्द्र भोलन लगायतको उपस्थिति रहेको थियो ।
