हेटौंडाः सिस्नुपानी नेपाल मकवानपुरले गाईजात्रा विशेष हास्यव्यङ्ग्य कार्यक्रम गरेको छ । शनिबार हेटौंडा–४ स्थित ओम्याक्स हलमा सिस्नुपानीले गाईजात्रा विशेष हास्यव्यङग्य कार्यक्रम आयोजना गरेको हो ।
हेटौंडा उपमहानगरपालिका ४ नम्बर वडा कार्यालयको सहयोगमा भएको कार्यक्रममा लेखन, कविता, प्यारोडी गायन, समसामयिक राजनीति, सामाजिक प्रस्तुति गरिएको छ । कार्यक्रममा मनोरञ्जनात्मक क्यारिकेचर, प्यारोडी गायन, सामाजिक मुद्दामाथिको नाटक प्रस्तुति, पेचिलो हास्यव्यङ्ग्य अन्तरवार्ता, हास्यव्यङ्ग्य कविता, हास्यव्यङ्ग्य बजेट भाषण र वाद्यवादनको प्रस्तुति गरिएको थियो ।
राजनीतिक, सामाजिक, आर्थिक, प्रशासनिकलगायत क्षेत्रमा हास्यव्यङ्ग्यमार्फत् आवाज बुलन्द गर्दै आएको सिस्नुपानी नेपाल मकवानपुरले समाजमा सन्देश प्रदान गर्नका लागि विशेष कार्यक्रम अयोजना गरेको बताइएको छ ।
