हेटौंडाः परिवर्तन बचत तथा ऋण सहकारी संस्था लिमिटेडले १७ औं स्थापना दिवसको अवसरमा रक्तदान कार्यक्रम आयोजना गरेको छ । बिहीबार हेटौंडा उपमहानगरपालिका–३ स्थित बसामाडीमा भएको रक्तदान कार्यक्रममा १४ जनाले रक्तदान गरेका छन् ।
रक्तदान गर्नेमा २ जना महिला र १२ जना पृुरुष रहेको रक्तसञ्चार केन्द्र हेटौंडाका प्राविधिक किशोर सापकोटाले जानकारी दिनुभयो । कार्यक्रममा सहकारी संस्थाकी अध्यक्ष शर्मिला न्यौपानेले दीप प्रज्वलित गर्नुभएको थियो ।
यस्तै, २५ गते शुक्रबार हेटौंडा–१० स्थित विद्युत् प्राधिकरणमा रक्तदान कार्यक्रम हुने भएको छ । बिहीबार भएको रक्तदान कार्यक्रममा रक्तसञ्चार केन्द्र हेटौंडाको प्राविधिक सहयोग रहेको थियो ।
