हेटौँडाः हेटौँडा–८, कमानेमा स्कूल बसले ठक्कर दिँदा पैदलयात्री घाइते भएका छन् । सोमबार बिहान ८ बजेको समयमा कमानेको माउण्ट एभरेष्ट बोर्डिङ स्कूलको बसले ठक्कर दिँदा पैदलयात्री घाइते भएका हुन् । घाइते हुने स्थानीय ७५ वर्षीया पूर्णकुमारी थापा रहेको जिल्ला प्रहरी कार्यालय मकवानपुरले जानकारी दिएको छ ।
कमानेको भित्र सडक खण्डस्थित मिलनचोकबाट क्याम्पाडाँडातर्फ जाँदै गरेको ना १ क ६५३२ नम्बरको स्कूल बसले ठक्कर दिँदा थापाको निधार, हात र खुट्टामा चोट लागेको छ । घाइते थापालाई उपचारका लागि हेटौँडा अस्पताल पठाएकोमा र अवस्था मध्यम रहेको जिल्ला प्रहरी कार्यालय मकवानपुरले जनाएको छ । प्रहरीले बस चालक ५० वर्षीय इन्द्र बहादुर थापा क्षेत्री र बसलाई नियन्त्रणमा लिएको छ ।
