हेटौँडाः मदन भण्डारी स्वास्थ्य विज्ञान प्रतिष्ठानका उपकुलपति प्राध्यापक डा. विश्वराज जोशीलाई विदाई गरिएको छ । नेपाल चिकित्सक संघ मकवानपुरले शनिबार एक कार्यक्रमका बीच प्रा.डा. जोशीलाई विदाई गरेको हो । ४ बर्षे कार्यकाल पूरा गरेर प्रा.डा. जोशी विदाई हुनुभएको हो ।
तत्कालिन मुख्यमन्त्री डोरमणि पौडेलले जोशीलाई उपकुलपतिमा नियुक्त गर्नुभएको थियो । नेपाल चिकित्सक संघ मकवानपुर शाखाका अध्यक्ष हरि बहादुर खड्काको अध्यक्षतामा विदाई कार्यक्रम भएको हो । सबैको साथ र सहयोगमा आफूले आफ्नो कार्यकालमा सक्दो काम गरेको जोशीले बताउनुभयो । कार्यक्रममा सहभागीले प्रा.डा. जोशीको कार्यकाल राम्रो रहेको जनाएका थिए । कार्यक्रममा प्रतिष्ठानका रजिष्ट्रार राजेश प्रसाईको पनि उपस्थिति रहेको थियो ।
