हेटौडाः लायन्स क्लब अफ पाथीभरा, लायन्स क्लब अफ पाथिभरा गोल्ड, लायन्स क्लब अफ मनकामना र लियो क्लब अफ पाथिभराको संयुक्त आयोजनामा आज हेटौंडामा भएको रक्तदान कार्यक्रममा २६ जनाले रक्तदान गरेका छन् । रक्तसञ्चार केन्द्र हेटौंडामै रक्तदान कार्यक्रम भएको हो ।
लकडाउनको समयमा रगतको अभाव नहोस भन्ने उद्देश्यले रक्तदान कार्यक्रमको आयोजना गरिएको लायन्स क्लब अफ हेटौंडा पाथिभरा गोल्डकी अध्यक्ष रश्मि बस्नेतले जानकारी दिनुभयो । लायन्स इन्टरनेशनल ३२५ बी २ का डिष्ट्रिक्ट गभर्नर शम्भु नकर्मीको प्रमुख आतिथ्यतामा रक्तदान कार्यक्रमको उद्घाटन भएको हो । आगामी शनिबार हेटौंडा–१, राप्तीरोडस्थित सुख समृद्धि बचत तथा ऋण सहकारी संस्था लिमिटेडले पनि रक्तदान कार्यक्रमको आयोजना गर्न लागेको छ ।
