हेटौँडाः बारा प्रहरीले लागुऔषध गाँजासहित २ जनालाई पक्राउ गरेको छ । विशेष सूचनाको आधारमा शुक्रबार राती साढे १० बजेको समयमा ईलाका प्रहरी कार्यालय सिम्रौनगढबाट प्रहरी निरीक्षक नवीन राईको कमाण्डमा खटिएको प्रहरी टोलीले सिम्रौनगढ–५, ठुलो ईट्टवाल बस्ने मनोज कुमार साहको घरमा लुकाई राखेको अवस्थामा २ सय १ केजी लागुऔषध गाँजा बरामद गरेको जनाएको छ ।
प्रहरीले गाँजा ओसार पसारमा प्रयोग भएको गाडी समेत नियन्त्रणमा लिएको जनाएको छ । प्रहरीले बागमती प्रदेश ०१–०२९ च ६७५२ नम्बरको योद्धा पिकप गाडीसहित चालक धादिङ जिल्लाको निलकण्ठ नगरपालिका–८ का २२ बर्षीय सुजन अधिकारी, सह–चालक धादिङ जिल्लाको ज्वालामुखी गाउँपालिका–१ का २३ बर्षीय रमेश नेपालीलाई पक्राउ गरेको छ ।
