हेटौँडाः पूर्व–पश्चिम राजमार्गअन्तर्गत मकवानपुरको मनहरी गाउँपालिका–७, रमनटारमा टिफरको ठक्करबाट स्कुटरचालकको मृत्यु भएको छ । मंगलबार साँझ ६ बजेर ४० मिनेटको समयमा मनहरीबाट चितवनतर्फ जाँदै गरेको ना ७ ख ८४४९ नम्बरको टिफरले हेटौँडाबाट चितवन तर्फ जाँदै गरेको बा प्र ०२–०३० प १६३१ नम्बरको स्कुटरलाई ठक्कर दिएको थियो ।
टिफरको ठक्करबाट गम्भीर घाइते भएका स्कुटर चालक नवलपरासी जिल्लाको मध्यविन्दु नगरपालिका–१४ का ४७ बर्षीय दिलबहादुर टण्डनको भरतपुरस्थित पुरानो मेडिकल कलेजमा उपचारको क्रममा मंगलबार साँझ ७ बजेर ४५ मिनेटमा मृत्यु भएको प्रहरीले जनाएको छ । प्रहरीले टिफर चालक नवलपरासी जिल्लाकै मध्यबिन्दु नगरपालिका–१०, अरुणखोलाका ४० बर्षीय वीर बहादुर कुमाललाई प्रहरीले नियन्त्रणमा लिएको जनाएको छ ।
