हेटौँडाः नेपाल भ्यालुअर्स एशोसिएसन (एनभीए) मकवानपुरको प्रथम अधिवेशन मंगलबार सम्पन्न भएको छ । अधिवेशनबाट सगुन श्रेष्ठको अध्यक्षतामा ९ सदस्यीय समिति सर्वसम्मत निर्वाचित भएको छ । समितिको उपाध्यक्षमा रवि आचार्य, सचिवमा अनिल बनियाँ, कोषाध्यक्षमा अस्मिता श्रेष्ठ चयन हुनुभएको छ ।
यस्तै सदस्यमा असगर अन्सारी, कृष्ण अधिकारी, दिपेश सिंह भण्डारी, मनिष महर्जन र सौरभ सुवेदी चयन हुनुभएको छ । एनभीए मकवानपुरको तदर्थ समितिका अध्यक्ष सगुन श्रेष्ठको सभाध्यक्षता तथा केन्द्रीय अध्यक्ष ऋषि कोइरालाको प्रमुख आतिथ्यमा उद्घाटन कार्यक्रम भएको थियो । कार्यक्रममा एनभीए कोशी प्रदेश समितिका अध्यक्ष आमोद राज आचार्यको पनि आतिथ्य रहेको थियो ।
