हेटौंडाः मकवानपुर जिल्लाको यु–१९ क्रिकेटको खेलाडी छनोट बुधबार हुँदैछ । वाइवाइ यु–१९ मेन राष्ट्रिय क्रिकेट टुर्नामेन्ट–२०८१ का लागि जिल्लाबाट दर्ता भएका ४४ जनामध्ये १४ जना छनोट हुनेछन् ।
मकवानपुर क्रिकेट संघले छनोट गर्नका लागि ४ वटा टिम बनाएको छ । ४ वटा टिमबाट १४ जना उत्कृष्ट खेलाडीलाई छनोट गरी जिल्लाको टिम बनाउने मकवानपुर क्रिकेट संघका सचिव विनोद बानियाले जानकारी दिनुभयो । यो खेल ४ दिन हुने बताइएको छ ।
यस्तै, मकवानपुरको क्रिकेट टिमले जेठको अन्तिममा काठमाडौं, चितवन, ललितपुर, भक्तपुर र नुवाकोटसँग प्रतिस्पर्धा गर्नेछ । यी खेल काठमाडौंमा हुन्छ । यसैगरी, ६ वटा जिल्लाबाट एउटा प्रदेशको टिम बन्नेछ ।
