हेटौँडाः मकवानपुरको मकवानपुरगढी गाउँपालिका–३, मक्रान्चुलीका दीपक घोरासैनी हेटौँडा–२, पल्पसारोडस्थित ड्रागन होटलमा मृत फेला परेका छन् ।
आइतबारदेखि होटलमा बस्दै आएका दीपक मंगलबार बिहान एक पटक बाहिर निक्सिएको देखिए पनि दिनभर आउजाउ गरेको नदेखिएपछि होटल सञ्चालकले प्रहरीलाई खबर गरेका थिए । प्रहरीको उपस्थितिमा मंगलबार साँझ ८ बजेको समयमा ढोका फोडेर हेर्दा दीपक मृत भेटिएको मकवानपुर प्रहरीले जनाएको छ । मृतकको शव पोष्टमार्टमका लागि हेटौँडा अस्पताल पठाइएको प्रहरीले जनाएको छ ।
