हेटौँडाः हेटौँडा–२ स्थित मकवानपुर बहुमुखी क्याम्पसमा कक्षा–११ को बार्षिक परीक्षा सुरु भएको छ । मंगलबारदेखि सुरु भएको परीक्षाको पहिलो दिन एक हजार एक सय ६४ जना विद्यार्थी परीक्षामा सहभागी भएका छन् । परीक्षा बिहान ८ बजेबाट सुरु भएको हो ।
मकवानपुर बहुमुखी क्याम्पसमा शैक्षिक सत्र २०८० मा कक्षा ११ मा एक हजार तीन सय ८० जना विद्यार्थी भर्ना भएका थिए । बार्षिक परीक्षामा सहभागी हुन एक हजार दुइ सय दुइजनाले फारम भरेका थिए । पहिलो दिनको परीक्षा शान्तिपूर्ण वातावरणमा सम्पन्न भएको छ । पछिल्लो समय कक्षा ११ को बार्षिक परीक्षा सम्बन्धित शैक्षिक संस्थाले नै सञ्चालन गर्ने व्यवस्था गरेको छ । मकवानपुर बहुमुखी क्याम्पसमा कक्षा ११ को बार्षिक परीक्षा जेठ २० गतेसम्म सञ्चालन हुनेछ ।
