हेटौँडाः नेपाल पत्रकार महासंघ मकवानपुर शाखाको १८औं साधारणसभा तथा १२ औं अधिवेशन बुधबार सुरु भएको छ । नेपाल पत्रकार महासंघ मकवानपुरका अध्यक्ष मणिराज गौतमको अध्यक्षता तथा हेटौँडा उपमहानगरपालिकाकी प्रमुख मीना कुमारी लामाको प्रमुख आतिथ्यमा उद्घाटन कार्यक्रम भएको हो ।
साधारणसभाको अवसरमा महासंघ मकवानपुरले अग्रज पत्रकारको रुपमा नवराज शर्मा र क्रियाशील पत्रकारको रुपमा सरिता दाहाललाई सम्मान गरेको छ । साधारणसभाको उद्घाटन कार्यक्रममा महासंघकी केन्द्रीय सचिव सिर्जना अर्याल, केन्द्रीय सदस्य सुनिल खड्का, बागमती प्रदेश समितिका अध्यक्ष शिव देवकोटा, निवर्तमान अध्यक्ष प्रताप विष्ट, ब्रोडकास्टिङ एसोसिएसन अफ नेपाल (बान) का केन्द्रीय उपाध्यक्ष उज्जवल चौलागाईको पनि आतिथ्य रहेको थियो ।
