हेटौँडाः हेटौँडा–१, चौकीटोलबाट प्रहरीले लागुऔषध खैरो हिरोइनसहित ४ जनालाई पक्राउ गरेको छ । पक्राउ पर्नेमा मकवानपुरको बकैया गाउँपालिका–५ की २२ वर्षीया अञ्जली घलान, हेटौँडा–४ का २१ वर्षीय अभिषेक थापा, २७ वर्षीय विवेक थापा र हेटौँडा–९ की २५ वर्षीया निशा योञ्जन रहेको बागमती प्रदेश प्रहरी कार्यालय हेटौँडाले जानकारी दिएको छ ।
प्रहरीले आइतबार साँझ ५ बजेको समयमा हेटौँडा चौकीटोल डेरा गरी बस्ने अञ्जलीको कोठामा लुकाई छिपाई राखेको १ ग्राम २ सय मिलिग्राम लागुऔषध खैरो हिरोइन फेला पारेको थियो । लागुऔषध खैरो हिरोइनसहित ४ जनाललाई नियन्त्रणमा लिई अनुसन्धानका लागि जिल्ला प्रहरी कार्यालय मकवानपुरको हिरासत कक्षमा राखिएको प्रहरीले जानकारी दिएको छ ।
