हेटौंडाः नेकपा (एकीकृत समाजवादी) मकवानपुरको नवौँ अधिवेशनले विष्णु दाहालको अध्यक्षतामा ५८ सदस्यीय जिल्ला कमिटी निर्विरोध निर्वाचित गरेको छ । दाहाल यसअघि पनि जिल्ला अध्यक्ष रहनुभएको थियो ।
शनिवार र आइतबार हेटौंडामा भएको पार्टीको नवौं जिल्ला अधिवेशनबाट जिल्ला कमिटीको उपाध्यक्षमा कल्पना विक, सचिव ध्रुव भुजेल तथा उपसचिवमा टंक मुक्तान, कबिन पन्त र बेगम बराल निर्विरोध निर्वाचित भएका छन् । यो कमिटीको कार्यकाल तीन वर्षको रहनेछ । जिल्ला कमिटीमा एक उपाध्यक्ष र एक सदस्य पछि मनोनयन गरिने भएको छ ।
शनिवार पार्टीका केन्द्रीय अध्यक्ष तथा पूर्व प्रधानमन्त्री माधवकुमार नेपालले अधिवेशनको उद्घाटन गर्नुभएको थियो ।
