हेटौँडाः सिन्धुपाल्चोक जिल्लाको बाह्रबिसे नगरपालिका–५, जम्बोमा एक जना वृद्ध मृत फेला परेका छन् । मृत फेला पर्नेमा बाह्रबिसे नगरपालिका–८, पसलडाँडा बस्ने ७० वर्षीय सानुकान्छा तामाङ रहेको बागमती प्रदेश प्रहरी कार्यालय हेटौँडाले जानकारी दिएको छ ।
तामाङ मंगलबार लाँसाबगर खेतको डिलबाट भोटेकोशी नदीमा हाम फाली बेपत्ता भएकोमा आइतबार बिहान ११ बजेको समयमा भोटेकोशी नदिको बिच भागमा ढुङ्गामा अड्किएको अवस्थामा फेला परेका थिए । मुचुल्का, पोष्टमार्टम पश्चात शव आफन्तले बुझी लगेको प्रहरीले जानकारी दिएको छ ।
