हेटौंडाः मकवानपुरको थाहा नगरपालिकामा–४, धारापानीस्थित खोल्सामा डुबेर एक वृद्धाको मृत्यु भएको छ । मृत्युु हुनेमा थाहा–४, नारायणझ्याउ बस्ने ७२ वर्षीया लाक्पा शेर्पा रहेको जिल्ला प्रहरी कार्यालय मकवानपुरले जानकारी दिएको छ ।
आइतबार बिहान साढे १० बजेको समयमा धारापानीस्थित खोल्सामा जम्मा भएको पानीमा डुबेर महिलाको मृत्यु भएको खबर प्रहरीले पाएको थियो । खबर पाउनासाथ इलाका प्रहरी कार्यालय पालुङबाट प्रहरी टोली घटनास्थलमा गएको प्रहरीको भनाइ छ । दिउँसो साढे २ बजेको समयमा शेर्पाको श्रीमान श्यामबहादुर थिङले घटनास्थलमा गई शवको सनाखत गरेको प्रहरीले जनाएको छ । मुचुल्कापश्चात् शेर्पाको शव पोेष्टमार्टमका लागि हेटौंडा अस्पताल ल्याइएको छ ।
