हेटौंडाः सिन्धुपाल्चोकको पाँचपोखरी थाङपाल गाउँपालिका वडा नम्बर ८ मा आफैले लगाएको कपडामा आगो सल्किएर घाइते भएका एक जनाको मृत्यु भएको छ । मृत्यु हुनेमा सोही ठाउँका ६२ वर्षीय योग कुमारी धिताल रहेको बागमती प्रदेश प्रहरी कार्यालय हेटौंडाले जनाएको छ ।
शुक्रबार दिउँसो १२ बजेर ३० मिनेटको समयमा घरको चुल्होमा बालेको आगो धितालले लगाएको धोतिमा एक्कासी सल्किएको थियो । आगो सल्किएपछि खुट्टा र ढाडको भाग जलेर धिताल घाइते भएका थिए । घाइते धिताललाई आफन्तले उपचारको लागि काठमाडांैस्थित सुस्मा मेमोरियल हस्पिटल साँखुमा लगिएकोमा उपचारको क्रममा शनिबार बिहान ८ बजेर ४० मिनेटको समयमा डाक्टरले मृत घोषणा गरेको हो ।
