हेटौँडाः दोलखा जिल्लाको बिगु गाउँपालिका–४, फिस्टेढुंगामा बसको ठक्करबाट एक जना वृद्धको मृत्यु भएको छ । मृत्यु हुनेमा बिगु गाउँपालिका–३ बस्ने ७४ वर्षीया नेतर्नी लामा रहेको बागमती प्रदेश प्रहरी कार्यालय हेटौँडाले जानकारी दिएको छ ।
काठमाडौंबाट बुलुङतर्फ जाँदै गरेको बा ३ ख ६३७४ नम्बरको रोल्वालिङ यातायातको बसले सोमबार साँझ ५ बजेर ४५ मिनेटको समयमा ठक्कर दिँदा घटनास्थलममै मृत्यु भएको थियो । बस चालक दोलखा जिल्ला कालिन्चोक गाउँपालिका–४ बस्ने २६ वर्षीय नारायण बुढाथोकीलाई नियन्त्रणमा लिई अनुसन्धान गरिरहेको प्रहरीले जानकारी दिएको छ ।
