हेटौँडाः हेटौँडा–५ पिप्लेस्थित हेटौँडा सिटी कलेजको खेलकुद महोत्सव सम्पन्न भएको छ । बिहिबारबाट सुरु भएको महोत्सव शनिबार सम्पन्न भएको हो । खेलकुद महोत्सवअन्तर्गत क्रिकेट प्रतियोगितामा सिएसआइटी सिनियर टिम प्रथम र बिबिएस टिम द्वितीय भएको छ ।
फुटबलमा कक्षा ११ प्रथम र बिसिए द्वितीय भएको छ । भलिबलमा सिएसआइटी सिनियर प्रथम र सिएसआइटी जुनियर द्वितीय भएको छ । एथ्लेटिक्सतर्फ मधुुसुदन अर्याल, सन्जिक अर्याल र श्याम बास्कोटाको टिम प्रथम भएको छ । ओशिस प्रजा, रोहन चौधरी, राहुल ओजैयाको टिम द्वितीय भएको छ ।
क्रिकेटमा सुमन श्रेष्ठ, भलिबलमा हरि घिमिरे र फुटबलमा अर्यान थापा मगर उत्कृष्ट खेलाडी घोषित भएका छन् भने उदीयमान खेलाडीमा शैलेश गुरुङ घोषित भएका छन् । उत्कृष्ट हुन सफल भएका खेलाडीहरुकालाई ट्र्याक सुट प्रदान गरिएको छ । प्रतियोगितामा प्रथम र द्वितीय हुने टिमहरुलाई शिल्ड, मेडल तथा प्रमाणपत्र प्रदान गरिएको छ । प्रतियोगितामा कलेजका ३ सय विद्यार्थीको सहभागिता रहेको थियो ।
