हेटौँडाः पुर्वी मकवानपुरको बागमती गाउँपालिकामा जारी छैठौंं संस्करणको बागमती गोल्डकप फुटबल प्रतियोगिता अन्तर्गत आज शुक्रबार दोस्रो क्वाटरफाइनलका खेल हुँदैछ । बागमती गाउँपालिका–८ फापरबारीस्थित जनता माविको खेल मैदानमा विभागीय टोली सशस्त्र प्रहरी बलको एपीएफ फुटबल क्बल र चर्च ब्वाइज युनाईटेड भिड्दैछ ।
प्रतियोगिता अन्तर्गत भोलि शनिबारको क्वाटरफाइनल खेलमा जावला खेल युथ क्बल र मछिन्द्र युथ क्लबबीच प्रतिस्पर्धा हुनेछ । जावलाखेल गोल्डकपको दोस्रो संस्करणको उपविजेता र तेस्रो संस्करणको विजेतासमेत हो । प्रतियोगिताको फाइनल खेल फाल्गुन १० गते हुनेछ । प्रतियोगिताको विजेता टोलीले १० लाख रुपैयाँसहित शिल्ड, मेडल तथा प्रमाणपत्र प्राप्त गर्नेछन् भने उपविजेता टिमले ५ लाख रुपैयाँ प्राप्त गर्नेछन् ।
