हेटौंडाः हेटौंडा–५, पिप्लेमा निर्माणाधिन कभर्ड हलका लागि विभिन्न व्यक्तित्वहरुले सहयोग प्रदान गर्नुभएको छ । कभर्ड हल निर्माणको लागि आज मंगलबार विहान स्थानीय तयारी पोशाक व्यवसायी गणेश कौशिक र अजय कौशिकले एकमुस्ट १० हजार १ सय रुपैयाँ आर्थिक सहयोग गर्नु भएको छ ।
त्यस्तै निर्माणाधिन बहुउपयोगी कभर्ड हल निर्माणका लागि भीमफेदी गाउँपालिका अध्यक्ष हिदम लामाले २० बोरा सिमेन्ट सहयोग प्रदान गर्नुभएको छ । पिप्ले शान्ति नगरका तयारी पोशाक व्यवसायी वीरेन्द्र ढुंगेलले १ ट्याक्टर बलुवा र हाँडीखोलाका क्रसर व्यवसायी शंकर न्यौपानेले १० बोरा सिमेन्ट सहयोग गर्नुभएको कभर्ड हल निर्माणका अगुवा सुशील घिमिरेले जानकारी दिनुभएको छ ।
